奇妙的安排

今日睇到天氣既預報, 預計5月29日係大致多雲有雨..
睇到咁, 真係覺得上天既安排真係好奇妙的

由我發病開始, 已經擔心我究竟好唔好得番, 可以趕到影相日..
一開始, 我記得醫生講話都應該唔大問題, 大概都唔會有咩問題...
直至上個星期, 自己都好好咁realise到根本都冇咩可能好得晒, 所以決定去改期...

係改期呢件事最難既係改渡假屋的日子, 人人都同我講, 一定冇得改啦...你book左佢又點會比你改第二日呢..況且仲要係得番一個星期
但係..點都要一博啦, 唔係比左個800蚊就一定凍過水
記我上星期個一朝, 我再次睇番張單..低b情況下, 我睇錯左佢其中一個terms & condition, 以為係一個星期前係可以改到
就係咁, 就滿懷希望左一個早上~哈

係打去問之前, 再睇多一次...先發現自己睇錯...但都決定左改啦, 就即管打電話去問...
最後緊係冇問題啦, 只係要比多100 handling charge 同埋差價..
錢解決到既問題就唔係大問題啦..

其實要改都有唔開心啦, 好似係自己既病令到又要改日子...
依家睇到天氣預報, 就知道呢個係天父既安排...安排我未好得晒, 改期出奇地順利同埋落雨........
如果唔係一早改, 到呢一個week知道落雨, 我諗渡假屋真係唔會比我改呀..




感恩~

拍拖日 - weekend

好耐都冇去拍拖行街睇戲了..
因為我地兩個都太懶..連去街都懶~哈

星期六 - 拍拖先黎落雨
一早plan左今日去拍拖, 如果唔係一早買左飛...落咁大雨去街一d都唔過癮呀!
食左好耐冇食既sushi, 仲突破地去買台式野飲啦
試左kat推介既奶蓋鳥龍, 我地仲要多左杯仙草奶凍...(呢一杯野, 第一次飲係台灣..飲過番尋味呀!)
睇我地都好想睇既 "翻生侏羅館2", ben stiller..dum dum~!嘻嘻, 哈哈~

今朝又去睇左針灸了..
呵呵~!!可以微笑到啦finally.....終於都有d令到我覺得開心既進展啦~~

星期日 - 冇屎用肥豬打波日
陪左隻大肥豬去打波, well..不是狀態, 蝕左我碗雙蛋雙腸麵啦!!!!
返到屋企仲要頭痛~~冇屎用呀!

等左好耐換領既既dvd 機...終於都拎左同埋,駁左....哈哈!
夜晚仲睇左 "港產片" 香水呢..如果佢唔係講英文, 係講番法文既, 會更加match個個意竟呀~
一套估佢唔到既戲...great movie~

dinner @ home - 家常便飯



不得不讚自己, 碟碟都有味架~~~~哈哈

婚照...

今日..終於最後決定左...我地改期影pre-wedding了...

因我仲未見有明顯的好轉...

慶幸既係, 渡假屋都轉到日子...$100的手續費在所難免了...但係至少冇浪費到比左的錢啦~

日子決定了係7月2日了..

希望到時一切順利, 陽光普照就好了~

遲來的生日禮物 ^^

今日收到隔離位同事送的生日禮物^^
哈哈~係都真係遲左好多...不過佢話買左好耐, 成日都唔記得帶番黎比我啦...
一支好靚既樱花酒...
太知我心意啦, 我好鐘意樱花呢~~

ha 皮3十 - 大餐

頭盤 - 香煎鵝肝伴啤利蛋多士, 車利子汁

二道 - 蕃茄汁原粒磨菇豬扒花邊粉

主菜 - 香煎和牛伴芝士包粒, 香芒檸蜜特飲


甜品 - ha皮3十特濃朱古力蛋糕


今次好快手就已經食得啦..哈~!!可能都係因為唔要太耐既cooking time啦..同埋我已經盡量諗到最簡單又最好味既野啦...yeah~

見到你好似心事從從咁..係唔係因為我整既野太好食, 你怕下次到你整既時候唔知點算呢?

無論點,只希望你3十有個ha皮的開始

ha 皮3十

嘻嘻~!
今日係有個人的ha皮3十呀!!

琴晚既靜雞雞計劃告吹了..冇計啦..只有明目張膽啦!!XD
不過有個人襯我好唔得閒個時係到古古惑惑偷番薯咁..唔知做咩!!吼~~~~~~~

我的第一次, 竟然揀左一個高級組黎整..WELL..以我第一次黎講, 確實好難搞...
個焗爐又係第一次用..都唔知會有咩效果..
ok, 衰唔晒..好在我天生機敏..諗到點去修補
ANYWAY...可能太香既關係...係12點幾..管理處打黎問我地係唔係整緊野食啦..哈哈哈哈


- - 今晚整大餐!!yeah~

針灸...

嚇死人了..
唔係到左咁既地步..我點會肯去針灸呢..
琴日的起了心肝..

去到, 見到醫生都仲未識驚...
佢一叫我訓上床, 我就已經驚到要先去susu

唔好話針灸唔痛呀!!十幾支係個面個到...忍完一下, 又要忍多一下...緊張到出晒汗啦~

天真的我, 以為一次可以了..點知醫生話唔好嚇壞我, 所以叫我隔日去好了..
聽完都唔知比咩反應好呀...隔日, 我一星期一次我都唔想呀...

不過...針完..又真係好似有dd, 只係dd既好轉...
唔知係唔係安慰自己呢..><"

教堂 - deposit

星期六個日..我地都去左教堂到比deposit了..
估唔到真係可以講左成2個hr..
不過都唔係開始唔夠半個鐘就恰著架麻..哈哈~我一見到當然係...即刻整醒佢啦...肥仔係真係易訓d架..呵呵

到問答個part...真係估唔到咁多人問埋咁多唔make sense既問題..
一係唔聽野, 一係就問一d勁低b既野..
竟然可以問得出, 讀經如果唔係天主教徒得唔得...我真係想反問番佢, 如果唔係天主教徒, 究竟係識讀咩經呢?well...仲有好多...真係阻住晒我地d時間呀..
不過算啦, 總有一d咁既人............我諗佢地唔係因為要係教堂到結婚, 可能都唔會去教堂呀...
唔怪得個到既神父係我地填表既時候, 要我地簽一張 at least做一個 星期日既教徒啦....原來真係有咁多人連sunday mass都唔會去..

點都好..我地又攪點一樣, 雖然仲有好多野要跟進, 但總算真係confirm左了! yeah!

中毒了!

我中了毒!
真係好可怕...初初真係嚇死..
後來醫生話依家好common架啦..咁都好d

不過心情當然會唔係幾好啦..
又唔笑得, 講野又唔清楚, 食野又慢又會食唔到, 隻眼又辛苦...

今晚終於的起心肝聽媽咪話去針灸了, 快d好就好了..
我唔想成日做黑面人呀!!!!!!